de Lisandru Beccu
Sa partida contra a su Cesena deviat pesare sa làcana intre chie diat àere dèvidu pònnere passu in campionadu e chie diat àere dèvidu pònnere fatu. Gasi est acontèssidu. Ambas duas sas iscuadras cumandaiant sa classìfica, ma sa cunditzione atlètica de sos atacantes sardos e su vantàgiu de giogare in su campu de domo, lis at permìtidu de si nche collire sos tres puntos.
In campu Cesena e Casteddu sunt bastante firmas e su giogu istentat a crèschere. Si bidet deretu chi su livellu de sa partida est prus artu cunforma a sas partidas coladas, sunt sa fantasia e sas giogadas de sos sìngulos a fàghere sa diferèntzia.
Pro mesora sas emotziones sunt pagas, antzis, nudda, custa borta bi cheret tempus, sos òmines in campu s'istùdiant pro cumprèndere mègius sos puntos dèbiles e pro nch'istichire su corfu giustu. Corfu chi punghet a su de 37 minutos. Joao Pedro cun sa conca nch'indiritzat a porta unu passàgiu traessu de Capuano, ma su portieri illonghiende·si, respinghet sa botza. Botza chi nche crompet a sos pees de Farias chi, tirende·la de prima intentzione e cun sa collaboratzione involuntària de unu defensore, befat su portieri marchende·nche su vantàgiu. Dae inoghe a dae in antis sa partida divenit prus interessante e su Casteddu agatat prus logu pro manovrare su giogu. A su de 63 minutos Melchiorri in cuntratacu nche ponet in mesu de s'àrea una botza pro Sau chi marcat su segundu gol.
Su Cesena non cheret tzèdere de su totu e resesset a ismesare s'isvantàgiu cun unu tiru lìberu de Màgnusson. Carchi neghe l'at fintzas Storari chi est cunditzionadu dae unu problema musculare.
Sa cuntentesa de sos biancu-nieddos durat prus pagu de unu minutu ca Melchiorri, fuidu a sos defensores, cun unu destru potente marcat su 3-1 definitivu. Su portieri Gomis non bi podet fàghere nudda. Sos ùrtimos 15 minutos nche colant sulenos cun su Casteddu chi amministrat bene su vantàgiu.
Como sos òmines de Rastelli nche sunt torra in su cùcuru de sa classìfica, a sa sola, sighidos a duos puntos de distàntzia dae Crotone, Spetzia e Bari. Sàbadu sos ruju-biaitos giogant in Novara. Sa partida diat dèvere èssere bastante fàtzile, ma giai s'ischit chi sas trasfertas sunt semper un'incògnita. S'importante est a non fàghere sas matessi faddinas de Pescara.
Formatziones
Casteddu: Storari, Pisacane, Ceppitelli, Sàlamon, Capuano, Dessena, Fossati (65' Deiola), Joao Pedro, Farias (78' Tello), Melchiorri, Sau (84' Benedetti).
Allenadore: Màssimo Rastelli
Cesena: Gomis, Mazzotta, Màgnusson, Capelli, De Col, Kèssie, Kone, Ciano, Molina, Ragusa (88' Raffini), Moncini (67' Succi).
Allenadore: Màssimo Drago
Gol: 37' Farias, 63' Sau, 73' Màgnusson, 74' Melchiorri
Sa partida contra a su Cesena deviat pesare sa làcana intre chie diat àere dèvidu pònnere passu in campionadu e chie diat àere dèvidu pònnere fatu. Gasi est acontèssidu. Ambas duas sas iscuadras cumandaiant sa classìfica, ma sa cunditzione atlètica de sos atacantes sardos e su vantàgiu de giogare in su campu de domo, lis at permìtidu de si nche collire sos tres puntos.
In campu Cesena e Casteddu sunt bastante firmas e su giogu istentat a crèschere. Si bidet deretu chi su livellu de sa partida est prus artu cunforma a sas partidas coladas, sunt sa fantasia e sas giogadas de sos sìngulos a fàghere sa diferèntzia.
Pro mesora sas emotziones sunt pagas, antzis, nudda, custa borta bi cheret tempus, sos òmines in campu s'istùdiant pro cumprèndere mègius sos puntos dèbiles e pro nch'istichire su corfu giustu. Corfu chi punghet a su de 37 minutos. Joao Pedro cun sa conca nch'indiritzat a porta unu passàgiu traessu de Capuano, ma su portieri illonghiende·si, respinghet sa botza. Botza chi nche crompet a sos pees de Farias chi, tirende·la de prima intentzione e cun sa collaboratzione involuntària de unu defensore, befat su portieri marchende·nche su vantàgiu. Dae inoghe a dae in antis sa partida divenit prus interessante e su Casteddu agatat prus logu pro manovrare su giogu. A su de 63 minutos Melchiorri in cuntratacu nche ponet in mesu de s'àrea una botza pro Sau chi marcat su segundu gol.
Su Cesena non cheret tzèdere de su totu e resesset a ismesare s'isvantàgiu cun unu tiru lìberu de Màgnusson. Carchi neghe l'at fintzas Storari chi est cunditzionadu dae unu problema musculare.
Sa cuntentesa de sos biancu-nieddos durat prus pagu de unu minutu ca Melchiorri, fuidu a sos defensores, cun unu destru potente marcat su 3-1 definitivu. Su portieri Gomis non bi podet fàghere nudda. Sos ùrtimos 15 minutos nche colant sulenos cun su Casteddu chi amministrat bene su vantàgiu.
Como sos òmines de Rastelli nche sunt torra in su cùcuru de sa classìfica, a sa sola, sighidos a duos puntos de distàntzia dae Crotone, Spetzia e Bari. Sàbadu sos ruju-biaitos giogant in Novara. Sa partida diat dèvere èssere bastante fàtzile, ma giai s'ischit chi sas trasfertas sunt semper un'incògnita. S'importante est a non fàghere sas matessi faddinas de Pescara.
Formatziones
Casteddu: Storari, Pisacane, Ceppitelli, Sàlamon, Capuano, Dessena, Fossati (65' Deiola), Joao Pedro, Farias (78' Tello), Melchiorri, Sau (84' Benedetti).
Allenadore: Màssimo Rastelli
Cesena: Gomis, Mazzotta, Màgnusson, Capelli, De Col, Kèssie, Kone, Ciano, Molina, Ragusa (88' Raffini), Moncini (67' Succi).
Allenadore: Màssimo Drago
Gol: 37' Farias, 63' Sau, 73' Màgnusson, 74' Melchiorri
