de Lisandru Beccu
Eris, in sa tzitade portuale de Tianjin, una sèrie de esplosiones at
abertu una note de inferru. Fiant sas 23.30 cando, in unu depòsitu de
materiale chìmicu inframàbile, b'at mòvidu unu fogu chi si nch'est
ispartu deretu causende duas esplosiones.  |
| deretos Ansa |
A su chi narant sas agentzias tzinesas, sos mortos seguros sunt 44, intre sos cales b'at fintzas 12 vìgiles de su fogu chi fiant intervènnidos pro nch'istudare sas framas. Fintzas a como sos ospidales ant retzidu dae sas 300 a sas 400 pessones e de custas, 32 sunt in cunditziones graes meda.
Tianjin est una tzitade cun pagu prus o mancu 15milliones de abitantes e est a 100 Km dae Pechinu. Paritzas pessones ant pensadu deretu a unu terremotu, a su puntu chi s'est trèmida fintzas sa terra. Paritzos bighinados de sa tzitade sunt abarrados sena currente elètrica, sos binàrios de sa metropolitana si sunt guastados e sa gente si nch'est fuida a sas carreras pro chircare de cumprèndere ite b'aiat capitende.
Su nùmeru de sos mortos in sas oras imbenientes at a pòdere crèschere.
