 |
| Deretos Agf. Url imàgine |
S'est rèndidu oe su linguista Tullio De
Mauro. Nàschidu in Torre Annunziata in su 1932, De Mauro devengeit una
figura de primore in su mundu acadèmicu italianu. Autore de unas cantas
òperas chi nche devent istare in sa libreria de cale si siat amantiosu
de sa chistione (a comintzare dae sa Storia linguistica dell’Italia
unita), nos at frunidu unos cantos cuntzetos pro cumprèndere
sa dialètica intre limbas e natziones, limbas e dialetos, cuntestu
sòtziu-econòmicu e alfabetizatzione, impreu literàriu e impreu
giornalìsticu, impreu populare e impreu ufitziale. De traditzione
polìtica progressista at criticadu prus de una bia s'acostamentu de sa
manca cunforma a su multi-linguismu. Pro issu «sos istandard e sos
impreos issoro amparant sas libas minorizadas».
