 |
| Deretos Ansa / Ap |
Sos mèdios, a boghe sola, faeddant de
terrorismu. E chi in Turchia s'annu nou non comintzat cun sas mègius
fainas. Nche crompet, a como, a 39 mortos su bilàntziu de s'assàchiu chi
at interessadu una discoteca de sa capitale (in su chirru “europeu”
addae de su Bòsforu) a oras de sa 1.30: 15 sos istràngios. Sos fertos
sunt una setantina. Un'òmine (finas a tres pro sos testimòngios)
caratzadu de Babbu Nadale at comintzadu a isparare in mesu a
sa gente a pustis de àere mortu unu vigilante. In partitzos,
fuende·si·nche, si che sunt imbolados a modde pro evitare sa sorte peus.
A su logu b'at cròmpidu una sessantina de ambulàntzias. Galu in
libertade su mortore.
