 |
| Deretos lìberos |
Sa Banca de su tafaranu (Crocus sativus), chi
est de su guvernu, est nàschida in Torbat Heydariyeh, in sa regione de
Khorassan Razavi’ a nord-est, su coro de sa produtzione mundiale de su
prùere ruju. S’istitutu tenet sa punna de fatzilitare sos imprendidores,
ma finas sa de dare a sos resparmiadores sa possibilidade de investire
comporende su cundregu pretziosu.
S’Iran est su produtore mundiale prus
mannu e sa banca at a pòdere acasagiare prus de 10 tonnelladas de
produtu cun s’impinnu - narat su Guvernu - de raddopiare in intro de
s’annu chi benit.
Su tafaranu – in cantidade minore cultivadu fintzas in
Sardigna - tenet calidades meda. Siat in contu de nuscu e de sabore,
siat in contu de salude, a dae chi
s’iscièntzia mèiga e farmatzèutica l’impitant in produtos vàrgios
curativos. Est ricu de vitaminas e cun particulares enzimas chi
nch’istèsiant su cancru, s’Alzheimer, su Parkinson e unas cantas formas
de epatite.
Pro nd’otènnere unu grammu bi cherent, pagu prus o mancu, 150 frores. E su traballu dìligu de 40 operajos chi si nche pesant a impuddile, ca sa regorta cheret fata cun sa lughe, eja, ma in antis chi si nche peset su sole.
Pro nd’otènnere unu grammu bi cherent, pagu prus o mancu, 150 frores. E su traballu dìligu de 40 operajos chi si nche pesant a impuddile, ca sa regorta cheret fata cun sa lughe, eja, ma in antis chi si nche peset su sole.
Ammentemus fintzas – petzi pro dovere de
crònaca - chi s’ispètzia tenet unu prètziu de 60 èuros cada grammu,
duncas belle a su dòpiu de s’oro chi, imbetzes, ròdiat a inghìriu de sos
35 èuros. Sabore, cura e butzaca, duncas: sa trìbide cummertziale a ue at puntadu, pro su venidore, su Guvernu iranianu.
