In sas chidas coladas Meridiana, Iberia e Ryanair ant annuntziadu chi ant a istèrrere s'oferta issoro dae s'aeroportu de Su Masu. Sas destinatziones ant a èssere ativas dae s'istiu e, pro sos vetores ispagnolu e italianu, sas prenotatziones sunt giai a disponimentu in sos sitos de sas cumpangias.
Sa trata Su Masu-Marsìllia, de Meridiana, l'ant a inaugurare sa prima die de làmpadas de su 2017 cun su Boeing 737-700. Sa frecuèntzia at a èssere de duas bortas sa chida: su martis e sa giòvia. Intre sos vetores noos cumparit Iberia, cumpangia ispagnola chi òperat in totu su mundu. Su collegamentu at a èssere cun Madrid e at a tènnere frecuèntzia de tres bortas sa chida: mèrcuris, chenàbura e domìniga. Sos biàgios ant a cumintzare su 16 de làmpadas.
Ryanair, imbetzes, si giogat ses cartas e inàugurat s'istajone istadiale imbeniente cun Bartzellona (Girona), Catània, Londra (Luton), Madrid, Varsàvia e Verona. Duas bortas sa chida dae Madrid e Varsàvia, tres bortas sa dae Bartzellona e bator bortas dae Catània, Londra e Verona.
