Duos milliardos in chimbe annos. Est su chi
ant pèrdidu sos grupos editoriales italianos printzipales: Mondadori,
Rcs, L'Espresso, Il Sole 24 Ore, Monrif, Caltagirone Editore, Itedi (sa
chi fiat Editrice La Stampa), Cairo Editore, Class Editori. Ma no est
s'ùnica mèngua: reduidos finamentas su faturadu de su 32,6% (1
milliardu e 800mìgia èuros) e 4.500 unidades de traballu (dae 17.645
dipendentes in su 2011 a sos 13.090 de
oe). Sos datos essint a campu a pustis de una chirca elaborada dae
Mediobanca. Sas fusiones editoriales podent èssere una solutzione?
Sa Fnsi at naradu chi non b'at contrariedade, ma chi tocat a garantire
su pluralismu, s'autonomia de sas redatziones e su livellu
ocupatzionale. Sa fusione intre Itedi e L'Espresso pertocat finamentas
La Nuova Sardegna. Su giornale tataresu est una de sas 18 testatas de su
grupu e, a su chi si leghet in una nota de belle unu mese a como, l'at a gestire pro tres annos sa sotziedade DB Information SpA de Roberto
Briglia e de Gianni Vallardi, duos dirigentes editoriales cun
esperièntzias in Mondadori e Rcs. Sa cajone? Rispetare sos lìmites
anti-monopòliu.
Unu millione e mesu de èuros nât chi fiat su cànone annuale pretesu dae De Benedetti. Chi siat istadu custu su frenu a s'iscalada de sos imprenditores sardos cada tantu mentovados? Siat comente si siat, semper de industriales semus chistionende. E, a su nàrrere de Marx, «Sa prima libertade, in contu de informatzione, nch'est pròpiu in su fatu chi no est un'indùstria».
Unu millione e mesu de èuros nât chi fiat su cànone annuale pretesu dae De Benedetti. Chi siat istadu custu su frenu a s'iscalada de sos imprenditores sardos cada tantu mentovados? Siat comente si siat, semper de industriales semus chistionende. E, a su nàrrere de Marx, «Sa prima libertade, in contu de informatzione, nch'est pròpiu in su fatu chi no est un'indùstria».
