 |
| Deretos Ansa/Epa. Url imàgine |
Su bilantzu est galu provisòriu, ma su nùmeru de sos mortos nch'est giai cròmpidu a 60, su de sos fertos, imbetzes, a prus de 120. Tres kamikaze si sunt fatos esplòdere in un'acadèmia de politzia, in Quetta, cabu-logu de sa provìntzia de su Beluchistan.
Sos atentadores nche sunt intrados a sa caserma intro de note, a ora de sas ùndighi e mesa. In s'istrutura nch'aiat pagu prus o mancu 700 persones intre agentes e ufitziales. A su chi narat su generale de sos corpos de frontera, sos kamikaze aparteniant a su movimentu sunnita Lashkar-e-Jhangvi Al Almi.
