 |
| Deretos Ansa, Url imàgine |
S'acusa est sa de àere evasu 2,6 milliones de èuros in s'àmbitu de unu prèstidu fatu dae sa sotziedade Andalas Ldt a Tiscali S.p.a.. Su tribunale de Casteddu, duncas at emìtidu sa sentèntzia de cundenna a tres annos de reclusione.
Renato Soru, presidente de Tiscali, s'est decraradu ispantadu pro sa detzisione de su giùighe Sandra Lèpore, antis, s'aspetativa sua fiat sa de èssere assòlvidu. «Creo chi sa sentèntzia siat ingiusta» - at naradu s'ex segretàriu de su Pd regionale. Ex ca, a pustis de sa cundenna, at leadu sa detzisione de si dimìtere dae sa càrriga chi teniat in su partidu suo.
Su tribunale at istabilidu chi s'èuro-parlamentare no at a pòdere fàghere prus su dirigente de azienda pro duos annos e chi duncas no at a pòdere nemmancu cuntratare cun s'amministratzione pùblica. «S'ispera mia est chi sa sentèntzia bèngiat trotulada in sas àteras fases de su protzessu – at naradu Soru, agiunghende – creo de no àere cummìtidu reatos».
