de Lisandru Beccu
 |
| Deretos Ansa. Url imàgine |
Custu mangianu sos ativistas de Libe.r.u ant protestadu in sas tancas de Surigheddu, cara a s'àidu pro nch'intrare. Su movimentu cheret chi sa Regione suspendat su bandu esplorativu pro bèndere s'azienda agrìcula de Surigheddu e Mamuntanas.
Sos terrinos, prus de 1.200 ètaros, dae sos annos otanta sunt de propiedade de sa Regione. Terras chi, annos a como, ant generadu produtziones agrìculas de calidade e in ue bi traballaiant chentinas de pessones. Posca, a cajone de un'isvilupu fallimentare las ant abbandonadas e las ant tzèdidas a sos entes regionales.
Sos terrinos, prus de 1.200 ètaros, dae sos annos otanta sunt de propiedade de sa Regione. Terras chi, annos a como, ant generadu produtziones agrìculas de calidade e in ue bi traballaiant chentinas de pessones. Posca, a cajone de un'isvilupu fallimentare las ant abbandonadas e las ant tzèdidas a sos entes regionales.
A pustis de trinta annos de trascuradesa sa Regione cheret intervènnere cun sa bèndida. Sa prima die de Martzu de su 2016, s'Assessoradu de sos Entes locales at publicadu un'avisu esplorativu pro bèndere sos terrinos e sas istruturas cun unu bandu internatzionale. Faina chi no lis agradat a sos indipendentistas de Libe.r.u..
«Sa Regione cheret dare custas terras, chi sunt produtivas meda, a sos ispeculadores furisteris chi podet dare chi las impreent pro bi fàghere campos de golf o àteras ispeculatziones immobiliares» - at naradu Pedru Frantziscu Devias agiunghende - «Nois no amus bisòngiu de nche collire sa limòsina de s'economia furistera, cherimus chi custos terrinos siant ocupados dae sos sardos chi nde faghent rechesta pro bi pòdere traballare. Custas terras sunt de sos sardos».
Su movimentu cheret chi sa Regione retiret su bandu internatzionale e chi nd'abèrgiat unu nou a tìtulu regionale, abertu a chie istat in Sardigna dae nessi deghe annos.
