 |
| Deretos si24, Url imàgine |
Dae chenàbura, in Ìndia, sunt mortas prus de 150 pessones a cajone de un'aumentu anòmalu de sas temperaduras. S'emergèntzia pertocat mescamente sos istados de Orissa de Telangana e de Andra Pradesh, ma sunt interessados fintzas sos istados de Maharashtra, de Chhattisghard, de Madhya Pradesh e de Jhaskhland.
Sos metereòlogos l'aiant prevìdida una variatzione anòmala de sas temperaduras intre sos mese de abrile e làmpadas. Difatis custu mese at cunfirmadu sas aspetativas crompende·nche a su cùcuru de sa classìfica comente su prus caente de semper. Sas temperaduras nch'ant barigadu sos 47 grados.
Sos sientziados ant naradu chi in sas dies imbenientes sa situatzione no at a megiorare. Si nd'at a faeddare sa chida chi intrat.
