 |
| deretos greenreport.it, Url imàgine |
Onni tzitadinu de s'Unione europea, cada annu, nche fùlliat 173 chilos de alimentos. Unu totale de 143 milliardos de èuros de isprecu a s'annu. In sos 28 istados europeos 88 milliones de tonnelladas de alimentos nch'andant deretos a intro de s'arga: su 70% arribat dae su consumu domèsticu, dae sos ristorantes e dae sas butegas a detàlliu.
Sos càrculos de su progetu Fusions – Last Market e UnIbo narant chi su totale de sos alimentos produidos in s'Ue currispondet a 865 kg/pessone. Custu cheret nàrrere chi cada unu de nois nche nd'imbolat su 20%.
Oe est sa die mundiale de sa terra e tocat fintzas a s’ammentare chi su deretu a su màndigu est su denominadore comunu pro cumbàtere s'isprecu e pro cumprèndere chi sas resursas de su praneta sunt limitadas e chi bi cherent istrategias de cooperatzione pro las gestire in manera sustenìbile e responsàbile.
