 |
| Deretos Manuela Barattini. Url imàgine |
Oe, comente fiat prevìdidu, s'at pesadu unu bentu de sos dimònios. In
su canale de Bonifàtziu sas ràficas nche crompent a 100 chilòmetros a
s'ora. Sa nae pro Livornu nch'est mòvida cun oto oras de ritardu e sos
collegamentos cun sa Còrsica sunt suspesos dae eris a parte de sero.
In
Gaddura sos pompieris fiant impinnados totu sa note cun àrbores rutos e
cun interventos a sa rete elètrica, mescamente in Terranoa. A su chi
narat s'ufìtziu meteorològicu de s'Aeronàutica sa die at a cumprire cun
su calu sensìbile de sas temperaduras, cumintzende dae bortaedie. At a
pròere pagu prus o mancu in totu s'ìsula. Petzi dae cras su tempus at a
megiorare e su chelu at a ispalatare, ma sas temperaduras s'ant a
mantènnere bàscias.
