 |
| Deretos, Ansa/Epa URL imàgine |
Eris a banda de mangianu. Una die che a totu sas àteras in Diyarbakir. Est a nàrrere una die de tensione, de pregontas, de dudas pro su venidore. Seguràntzia pagu, tensione meda. Sa norma, in finitias, pro unu paisu che a sa Turchia, in ue s'incràs est semper marcadu cun una "x", un'incògnita imbelada de mistèriu. A unu prontu, sos isparos. Mirados. Pretzisos. Indiritzados conca a unu giassu dislindadu. Momentos de terrore. Unu fui-fui a chentu pre banda. Boghes, iscràmios. Disisperu. In su chirru de su caminu, a pagu tretu dae sos mortores suos, bi fiat Tahir Elçi, s'abogadu defensore de sos curdos. Fiat chistionende cun unos cantos giornalistas. Una cunferèntzia imprenta a bolu comente costumaiat a s’ispissu, improvisada in su caminu.
Forsis fiat acrarende cun issos sa positzione sua. Pro su chi pertocaiat sas ùrtimas acontèssidas turcas. Sos argumentos in Turchia non mancant mai, a dolu mannu e issu non si torraiat mai in segus cun s'imprenta. Unu corfu - paret de fusile - l'at corfadu a sa pala manca a pagu tretu dae su coro e un'àteru a gatzile. Est rutu deretu e no at dadu prus perunu tzinnu de vida. Paret - a su chi narat sa televisione turca Dha chi at difùndidu sas primas imàgines de s'assàchiu - chi b'apat mortu finas unu politziotu. Fintzas issu tentu a s'ischina dae duos corfos de fusile cròmpidos de repente.
Presidente de s'Òrdine forense pròpiu de Diyarbakir. Defensore prus chi non cumbintu de sa càusa curda. E suta protzessu cun s'acusa de propaganda terrorìstica pro aeret decraradu in sa televisione pùblica chi su Pkk no est unu grupu terrorìsticu. Arriscaiat dae un'annu e mesu a sete annos e mesu de presone. Diyarbakir est una de sas prus tzitades mannas de Turchia. Tzitade a majoria curda, sìmbulu de s'atza e de sa balia issoro. Unu intre sos bartzolos de su partidu de sos traballadores. E Tahir fiat un'isteddu pro issos, un'òmine chi los aiat abratzados che frades ghiende·los e amparende·los in sa chirca de s'autodeterminatzione e de sa libertade. Una ghia, duncas. Unu frade. Unu cumpàngiu.
In Istanbul, in ue bi fiat sa manifestatzione contra a Erdoğan pro aeret dispostu s'arrestu de sos duos giornalistas de Cumhuriyet, sa protesta s'est amplificada sena mesura. A su comente nch'est cròmpida sa noa dae Diyarbakir, su dissensu est crèschidu in pare cun s'anneu. Ma sos manifestantes sunt istados istrajados a mala manera dae sa politzia, paret sena peruna cunseguèntzia pro su chi pertocat s'incolumidade. S'Ambasciada americana in Turchia at dadu a intèndere su cordògiu suo, aunende·si a su dolore de sos familiares e de sos curdos totus. L’at fatu sighende sa trata moderna: publichende unu pensu in Twitter. Definende a Tahir Elçi «unu grandu defensore de sos deretos umanos». In custos momentos - giai s'ischit- su generadore automàticu de faeddos ufitziales dat su mègius de sesi.
Forsis fiat acrarende cun issos sa positzione sua. Pro su chi pertocaiat sas ùrtimas acontèssidas turcas. Sos argumentos in Turchia non mancant mai, a dolu mannu e issu non si torraiat mai in segus cun s'imprenta. Unu corfu - paret de fusile - l'at corfadu a sa pala manca a pagu tretu dae su coro e un'àteru a gatzile. Est rutu deretu e no at dadu prus perunu tzinnu de vida. Paret - a su chi narat sa televisione turca Dha chi at difùndidu sas primas imàgines de s'assàchiu - chi b'apat mortu finas unu politziotu. Fintzas issu tentu a s'ischina dae duos corfos de fusile cròmpidos de repente.
In Istanbul, in ue bi fiat sa manifestatzione contra a Erdoğan pro aeret dispostu s'arrestu de sos duos giornalistas de Cumhuriyet, sa protesta s'est amplificada sena mesura. A su comente nch'est cròmpida sa noa dae Diyarbakir, su dissensu est crèschidu in pare cun s'anneu. Ma sos manifestantes sunt istados istrajados a mala manera dae sa politzia, paret sena peruna cunseguèntzia pro su chi pertocat s'incolumidade. S'Ambasciada americana in Turchia at dadu a intèndere su cordògiu suo, aunende·si a su dolore de sos familiares e de sos curdos totus. L’at fatu sighende sa trata moderna: publichende unu pensu in Twitter. Definende a Tahir Elçi «unu grandu defensore de sos deretos umanos». In custos momentos - giai s'ischit- su generadore automàticu de faeddos ufitziales dat su mègius de sesi.
