 |
| Deretos lìberos. Url imàgine |
Su livellu de bàrdia abarrat semper artu in Bèlgiu. In intro de note
sa politzia at arrestadu 16 pessones suspetadas de apartènnere a s'Isis,
ma a Salah Abdeslam no l'ant galu atzapadu. A issu lu cunsìderant su
perìgulu nùmeru unu. Su frade si fiat fatu esplòdere in unu ristorante
de Parigi sa die de sos atentados. S'àteru frade imbetzes, in
un'intervista televisiva, l'at cussigiadu de s'arrèndere. Ma issu nudda,
paret chi si nche siat isparèssidu in sas aeras.
S'allerta duncas
at a abarrare finas a bortaedie, cando sas autoridades ant a valutare
de sighire o nono cun sas precautziones de sas dies coladas. Fintzas oe
sas iscolas, sas universidades e sa metropolitana de Bruxelles sunt
tancadas. Una situatzione chi, in sa capitale de s'Unione europea, non
si fiat bida mai. Su primu ministru belga Charles Michel at naradu chi -
“Su chi semus timende est chi fatzant atentados comente sos de Parigi, cun assàchios in giassos diferentes”.
