 |
| Deretos lìberos, URL imàgine |
Duas pessones sunt mortas in sos fogos chi nche sunt mòvidos in su nord de Adelàide, in Austràlia. Unu fronte de 45 chilòmetros, alimentadu dae sos bentos, si nch'est papende totu su chi adòbiat in caminu e est andende a minetzare unas cantas tzitades in su sud de s'istadu. Sas framas, a pustis de àere brusiadu ètaros e ètaros de buscu, si nch'ant leadu paritzas domos e un'allevamentu de porcos. A su chi narant sos pompieris, est istadu unu lampu a ingendrare su fogu. Su diretore de su Country Fire Service, Greg Nettleton, at naradu chi su fronte si movet tropu lestru e sas iscuadras de emergèntzia non podet intervènnere. “Custu fogu non faghet iscontos a nemos – at naradu – at a tocare de li pònnere in fatu totu sa note fintzas a cras a mangianu”.
In s'ìnteri, 200 òmines de corpus de sos pompieris in pare cun paritzos aèreos sunt batalliende pro evacuare sos giassos perigulosos e pro rallentare cantu prus podent sa cursa de sas framas.S'ispera est chi dae cras, comente previdit su tzentru meteorològicu, sas temperaduras nche calent e su bentu s'assèliet.
