 |
| www.istat.it |
Is datos difùndidos dae s'Istat in contu de "arriscu de povertade e de
esclusione sotziale" mustrant chi in Sardigna, dae su 2013 a su 2014, su
datu pertzentuale est crèschidu dae su 32,2 a su 37,7%. Su 5,5%, est a
nàrrere s'incrementu prus artu intre totus is regiones de s'istadu
italianu. In fatu nostru s'Abrutzu cun su 3,1%.
Àteros logos chi
sighint a mantènnere una pertzentuale prus arta in su 2014 ant mustradu
imbetzes una mèngua cunforma a s'annu pretzedente: in Sitzìlia sunt
colados dae su 55 a su 54,4%; in Calàbria dae su 45,6 a su 43,5%; in
Basilicada dae su 48,5 a su 39,6%; in Pùllia dae su 43,6 a su 40,3%; in
Campània dae su 49,8 a su 49%; in Molise dae su 44,7 a su 40,7%.
Sa mèdia italiana fiat de su 28,5% in su 2013 e de su 28,3 in su 2014.
In
Sardigna creschent finamentas is livellos de "deprivatzione grae" (dae
su 13,6 a su 14,7%) e de s'"intensidade bassa de traballu" (dae su 15,2 a
su 19,4%).
