 |
| Deretos Libertad y progreso online. Url imàgine |
Classìficas si nde faghent de ogni ispètzia e calidade, ma sa chi
est essida a campu oe, cunforma a su raportu annuale de sa fundatzione
Bertelsmann, nos ponet a sa segura prus de un'anneu. Subra de 28 paisos
europeos s'Itàlia resurtat su de 25 in contu de giustìtzia sotziale. Sa
chi, in pagos faeddos, nch'est in intro de su sentidu
prus progressista de unos cantos artìculos de sa Costitutzione sua
(mescamente in su segundu comma de su de tres).
Ma petzi in cue, a cantu
paret. A su chi narat s'istùdiu «sa situatzione est peorada meda.
Intre su 2008 e s'annu coladu su tassu de disocupatzione nch'est
cròmpidu dae su 6,8 a su 12,9%». Pro su chi pertocat su livellu ocupatzionale (55,7%) s'Itàlia nche falat a sa de 26 positziones: «Petzi sa Grètzia e sa Coàtzia nde mustrant unu prus bassu».
Male e peus pro is giòvanos cun sa disocupatzione chi creschet finas a
su 42,7%. Baddu si finamentas pro custu diferentziale (cun is paisos
postos mègius) ant a àere impreadu sa paràula “spread”?
