 |
| Deretos lìberos. Url imàgine |
Is Comunas chi tenent bisòngiu de unu sistema semafòricu adeguadu a is
esigèntzias de is tzurpos/ipo-bidentes, tenent sa possibilidade de
leare parte a su bandu promòvidu dae su ministèriu de is Trasportos chi
iscadit su 29 de onniasantu.
Su totale de su dinare a disponimentu nche
crompet a 582.271 èuros e at a èssere partzidu intre is progetos
ritènnidos idòneos, bastis chi non nche bàrighent su lìmite de su
finantziamentu: 100mìgia èuros pro is Comunas cun prus de 250mìgia
abitantes; 60mìgia èuros intre 60mìgia e 250mìgia residentes; 30mìgia
èuros pro is chi no arribant a 60mìgia unidades.
Is interventos
propostos devent prevìdere s'ammàniu de unu sistema tàtile in su pamentu
istradale pro sinnalare a su pedone comente rugrare su caminu.
Pro
valutare is propostas de interventu ddoe at a àere una cummissione
ministeriale chi at formare una graduatòria cunforma a unos cantos
paràmetros: seberu de su logu, critèrios de perigulu, collegamentos
assistidos intre is firmadas de is mezos pùblicos e is logos publicos o
privados cun servìtzios de utilidade sotziale, livellu de
partetzipatzione a s'ispesa dae banda de sa Comuna.
