_(9).JPG) |
| Wikimedia |
«Amus disinnadu de annullare totus is fogos pirotècnicos oe in tzitade. Is catanesos ant a cumprèndere». Cun pagas rigas postas eris in su profilu Facebook suo, su sìndigu de Catània Enzo Bianco at dadu a ischire a is utentes de sa rete sotziale sa detzisione de festare cun mesura sa patrona Santa Agata a pustis de sa morte de 49 migrantes acadèssida in s'ennèsimu biàgiu de s'ispera.
«Est una tragèdia chi nos ammentat is de sa segunda gherra mundiale e chi at commòvidu sa tzitade». S'ex ministru de s'Internu at peri disinnadu de fissare, pro oe, sa die de lutu tzitadinu. In sa nae norvegesa (sa Siem Pilot) isbarcada eris in su portu sitzilianu ddoe aiat 312 pessones (àteros 104 sunt istados sucùrridos dae sa nae tedesca Werra).
Sa festa catanesa, chi ammentat sa torrada de is
relìcuias dae Costantinòpoli 889 annos a imoe, crompet a pagas dies dae
sa “Faradda di li Candareri”, sa professone traditzionale de is grèmios
tataresos chi s'acumprit cada 14 de austu. In cussa ocasione, in ue is
sìndigos isetant is aplàusos comente chi siant una valutatzione positiva
a s'atzione amministrativa issoro, Nigola Sanna at retzidu unos cantos
frùschios. Cales sunt istadas sas resones? «Mi isetaia chi m'aerent
cuntestadu pro Abbanoa, ma ant seberadu s'immigratzione. Mi
tzichirriaiant “dae·nos·lu a nois su traballu e no a is nieddos, sa domo
in antis a nois e posca a is nieddos”. Ma sa Comuna no at dadu traballu
a nemos e is duas pessones istràngias in graduatòria istant in Itàlia
dae prus de 15 annos».
