de Màuru Piredda
A segus de noe annos cun sa màllia biancu-biaita de sa Dinamo, su
capitanu Manuel Vanuzzo at saludadu Tàtari in chirca de un'esperièntzia
noa. Bènnidu a sa “tziddai” in su 2006, est istadu de giudu mannu pro
acumprire a unos cantos obietivos: sa promotzione dae sa Legadue in
s'istajone 2009-2010, sa partetzipatzione a s'Eurocup, una Supercoppa
italiana in su 2014, duas Coppa Italia (2014, 2015) e, infines,
s'iscudetu conchistadu su 26 de làmpadas.
Sa sotziedade li torrat
gràtzias «in s'isetu de lu torrare a abratzare». Vanuzzo, chi sighit a
faeddare de Tàtari e de sa Sardigna che a una domo sua («inoghe apo
bìvidu sas esperièntzias prus mannas e nointames apa galu agigu de
atzentu vènetu m'intendo finamentas sardu») at a giogare, a sa segura,
in sa Legadue: Casalpusterlengo, Caserta,Reggio Calabria e Trapani sunt
sas sotziedades chi sunt interessadas,ma est possìbile chi su giogadore
de Dolo nche crompat a Ùdine.
