Su Casteddu resurtat a nch'acabbare sa partida sena subire gol. Forsis est custa sa noa de oe, bidu chi semus fintzas faeddende de su primu 0-0 de s'istajone. S'iscuadra de Rastelli dae su 21 de cabudanni de su 2016 at semper retzidu gol.
Sa partida de oe si rivelat bastante echilibrada, ma sa Lazio manovrat e manìgiat mègius sa botza. Su Casteddu imbetzes, òrfanu de Borriello e de Barella (infortunados), aprofitat de sos tretos lìberos e de sos contratacos. Non b'at acontèssidas de signalare fintzas a su de 30 minutos, ma Immobile no est bastante lestru a nch'ispìnghere sa botza a intro.
Sa trata de su primu tempus sighit in su segundu. Sos sardos si lìmitant a cuntènnere s'avantzada de sos istràngios chi però non resessent a èssere perigulosos. In sos ùrtimos 15 minutos creschent meda sos ruju-biaitos, ma mancat sa pretzisione in su tiru detzisivu. Acabbat 0-0 cun unu puntu peròmine.
Formatziones
Casteddu: Rafael, Isla, Pisacane (86' Salamon), Bruno Alves, Murru, Dessena (9' Farago), Tachtsidis, Padoin, Ionita, Joao Pedro, Sau (67' Farias).
Allenadore: Massimo Rastelli
Lazio: Strakosha, Basta (80' Patric), De Vrij, Hoedt, Radu (67' Dordevic), Parolo, Biglia, Lulic, Felipe Anderson, Immobile, Keita (71' Alberto).
Allenadore: Simone Inzaghi
