 |
| Incarca subra de s'imàgine pro l'ismanniare |
Sos
otavos de finale de sos europeos frantzesos sunt comintzados eris cun
tres partidas. 1-1 su disafiu intre Isvìtzera e Polònia a pustis de 90
minutos regulares e de àteros 30 suplementares. Gol de Błaszczykowski
pro sos polacos a su de 39; parègiu elvèticu cun Shaqiri a su de 82. Bi
sunt chertos sos rigores.
Lichtsteiner, Shaqiri, Schär e Rodríguez sos
marcadores de s'Isvìtzera (Xhaka si l'at faddidu); Lewandowski, Milik,
Glik, Błaszczykowski e Krychowiak sos de sa Polònia chi, gasi, nch'est
cròmpida a sos cuartos.
Sos 11 de Nawalka, su 30,
ant a dèvere gherrare contra a su Portugallu. Sos lusitanos ant bìnchidu
contra a sa Croàtzia gràtzias a su gol de Quaresma signadu cando
mancaiant tres minutos a s'acabbu de su segundu tempus suplementare.
Sa
partida intre sas duas natzionales de su Regnu unidu (s'Inghilterra at a
giogare lunis) l'at bìnchida imbetzes su Galles. "Exit" pro s'Irlanda
de su nord a cajone de s'autogol de McAuley: su defensore nche l'at
tzacada in sa porta sua chirchende de antitzipare unu tiru traessu de
Bale.
