 |
| Deretos La Stampa. Url imàgine |
Sos efetos de sos atacos terrorìsticos cumintzant a nch'essire a campu e
los intendent mescamente sos emigrantes chi fuent dae sa povertade, sos
chi sèberant de praticare su caminu de sos balcanos. Romania e Ungheria
ant aumentadu sos controllos in sas fronteras issoro siat intrende e
siat essende. In tzertos giassos b'at rias de prus de sete chilòmetros.
Sa faina est prus grae in sa làcana cun sa Grètzia, in ie b'at a su
nessi 1.300 pessones chi arribant dae Iraq, Somàlia e Bàngladesh. Issos
non nche podent colare, abarrant in cue, oramai bi sunt dae tres dies.
Sos guvernos de Belgrado e de Skopje ant disinnadu de nche lassare
colare petzi sos chi movent dae ue b'at gherra, e duncas, dae Afgànistan
e dae Sìria. Tenent su disisperu marcadu in cara sos pròfugos, dies de
caminu de badas, pro como.
