 |
| Deretos Fresh 24, URL imàgine |
In Bruxelles nch'ant evacuadu sa moschea prus antiga de sa tzitade a pustis de un'allarme antratze. Paritzas pessones ant agatadu unas cantas lìteras chi cunteniant prùere biancu. Deretu sunt intervènnidas sas iscuadras de decontaminatzione e su laboratòriu mòbile pro chircare de nche recuperare sas lìteras e pro las analizare. Sete pessones, de sas chi fiant in sa moschea, sunt ricoveradas in s'ispidale pro atzertamentos, ma a como paret chi istent bene.
In s'ìnteri in su cabu de giosso belga, in sa provìntzia de Namur, a curtzu a Charleroi, b'at cumintzadu un'operatzione manna anti-terrorismu ghiada dae sa politzia. Sa giustìtzia at compidadu unu muntone de domos chirchende armas e esplosivos.
