 |
| Deretos Ansa/Epa. Url imàgine |
Arbeschende a oe , in Saint Denis, unu de sos apendìtzios pru
iscurigosos de Parigi, b'at àpidu un'interventu massitzu de sa
gendarmeria frantzesa. Paret chi nche siant cròmpidos a cue sighende sos
indìtzios de unu telefoneddu. Aparèchiu chi, nât chi, unu de sos
mortores - chenàbura colada, sa die de s'assàchiu - nch'aiat imboladu a
intro de un'istèrgiu pro s'arga, a probe de su Bataclan, su teatru
malefadadu.
Est istadu cumpudende s'elencu de sos messàgios e unas
cantas cramadas fatas in antis de su disacatu, chi sos investigadores
nch'ant individuadu s'istichidòrgiu de sos terroristas. A su chi si
leghet in s'imprenta frantzesa nât chi fiant ordimingende un'àteru
assàchiu contra a sa Defense, su bighinadu pariginu in ue sunt
collidos a pare sos ufìtzios de s'amministratzione pùblica. In intro a
duos apartamentos sa politzia fiat chirchende a Abdelhamid Abaaoud, 28
annos, nàschidu in Molenbeek-Saint-Jean, tzitade belga, cunsideradu su
cabu de su commando chi at postu in òpera sos atentados mortales de sa chida colada.
Paret - ma sa noa tocat a la pigare cun agigu de assentu - chi Abaaoud siat mortu pro manu de sos gendarmes, a su chi iscriet su giornale belga Dernière Heure in su situ web suo, basende sa noa subra de "informatziones esclusivas" chi nàt chi tenet in manos sa redatzione. S'assìtiu de sos gendarmes a sos duos apartamentos est cumintzadu - paret - in intro de note e est acabbadu a sas 11 e mesa.
Paret - ma sa noa tocat a la pigare cun agigu de assentu - chi Abaaoud siat mortu pro manu de sos gendarmes, a su chi iscriet su giornale belga Dernière Heure in su situ web suo, basende sa noa subra de "informatziones esclusivas" chi nàt chi tenet in manos sa redatzione. S'assìtiu de sos gendarmes a sos duos apartamentos est cumintzadu - paret - in intro de note e est acabbadu a sas 11 e mesa.
A su chi narat sa Procura, a ora de sas 4 e
binti - àtera noa de importu - paret chi una pitzinna - semper de su
grupu terrorista chi fiat bandidende - apat innescadu sa chintòrgia
esplosiva chi giughiat in chintu e si siat pesada in fumu pròpiu cara a
sos gendarmes ischierados. A unos otighentos metros dae s'Istàdiu de
Frantza. Pròpiu in su giassu in ue, chenàbura, si fiat allumada sa prima
bomba. Paret chi nessi un'àteru terrorista, ma Dernière Heure no at
mentovadu su nùmene, siat mortu pro manu de sa politzia.
