 |
| Deretos publicpolicy.it Url imàgine |
Cando sos polìticos nch'acabbant su ite nàrrere, intrant in giogu sos
economistas e cando fintzas a custos lis fartant sos argumentos, intrat
sa sièntzia istatìstica. Duncas si unu cheret gherrare cun sos nùmeros,
bastat un'ograda - mancu funduda meda - a sos datos de su Svimez e
nch'est in batàllia. Semper e cando - b'at de nàrrere - dae su 2005 a su
2008 sos pòberos assolutos non nche crompiant a sos 2milliones, giai
tzifra de derrota natzionale e in su 2013-2014 nche sunt colados a
4milliones o barda.
«A un'ala, in su meridione de s'Itàlia, dae semper su chirru prus mìseru - narant sos raportos - a pustis de sete annos b'at àpidu una crèschida de su 0,1% de su Pib. A s'àtera però - acrarit semper su Svimez - su Sud est semper prus pòberu: su 62% (de sos tzitadinos nda) balàngiat màssimu su 40% de su rèdditu mesanu. A cajone de sa crisi - agiunghent sos raportos de su 2015
- sa povertade estrema, in Itàlia est prus chi no a su dòpiu. Pagu prus
o mancu in totue, siat in su tzentru-sud, siat in su tzentru-nord».
Pro su Svimez sa resone de sa crèschida de su Pib - chi, ammentemus·lu, in su meridione est in pessu de su 0,1% - nch'est totu in s'aumentu de sos consumos. «Sos consumos finales ant a crèschere, istimamus finas a su 1,3% in su tzentru-nord e a su 0,8% in su tzentru-sud. In aumentu finas sos investimentos fissos brutos, unu +2% de totale natzionale, otènnidu dae sa mèdia intre su 2,5% de su tzentru-nord e su 0.5% de su tzentru-sud. Si totu custu at a èssere cunfirmadu - sutalìniat - si diat arressare s'àndala negativa de sos investimentos fissos brutos cumintzada in su 2007. Pro su chi pertocat su traballu e s'ocupatzione, si previdit una crèschida natzionale de unu +0,8%, semper nùmeru mesanu intre su +0,9% de su tzentru-nord e su +0,6% de su tzentru-sud».
Pro su Svimez sa resone de sa crèschida de su Pib - chi, ammentemus·lu, in su meridione est in pessu de su 0,1% - nch'est totu in s'aumentu de sos consumos. «Sos consumos finales ant a crèschere, istimamus finas a su 1,3% in su tzentru-nord e a su 0,8% in su tzentru-sud. In aumentu finas sos investimentos fissos brutos, unu +2% de totale natzionale, otènnidu dae sa mèdia intre su 2,5% de su tzentru-nord e su 0.5% de su tzentru-sud. Si totu custu at a èssere cunfirmadu - sutalìniat - si diat arressare s'àndala negativa de sos investimentos fissos brutos cumintzada in su 2007. Pro su chi pertocat su traballu e s'ocupatzione, si previdit una crèschida natzionale de unu +0,8%, semper nùmeru mesanu intre su +0,9% de su tzentru-nord e su +0,6% de su tzentru-sud».
Nùmeros istrìgiles, belle incuantificàbiles. Ma su Svimez est animosu e
nât chi finas in su 2016, su meridione at a sighire a crèschere. Siat in
contu de Pib, siat in contu de consumos. Sos datos nos assègurant
difatis chi - in su 2016 - su Pib natzionale cumplessivu at a crèschere
de su 1,3%. Mèdia otènnida intre su 1,5% nordista e su 0,7 sudista.
Chie leghende nch'at barigadu - sende galu biu e in salude - sa batàllia de sos nùmeros, s'at a èssere sapidu de cantu a pagu servat a los connòschere e a los isgranare che rosàriu. A dae chi semper prus pessones sunt suta su livellu de subravivèntzia. E a dae chi sa salude e sas curas sunt menguende in pare cun sa cussèntzia chi nos potzamus sarvare e chi lis potzamus lassare in erèntzia unu venidore sulenu a fìgios nostros.
Chie leghende nch'at barigadu - sende galu biu e in salude - sa batàllia de sos nùmeros, s'at a èssere sapidu de cantu a pagu servat a los connòschere e a los isgranare che rosàriu. A dae chi semper prus pessones sunt suta su livellu de subravivèntzia. E a dae chi sa salude e sas curas sunt menguende in pare cun sa cussèntzia chi nos potzamus sarvare e chi lis potzamus lassare in erèntzia unu venidore sulenu a fìgios nostros.
