 |
| Deretos Politica Portugal. Url imàgine |
Fìamus abarrados a s'anàlisi de su votu de is eletziones de su 4 de
custu mese in Portugallu. E a is diferentes possibilidades cara a sa
formatzione de su guvernu nou. Is sotzialistas aiant dèvidu disinnare a
sa lestra: sustènniu a Pedro Passos Coelho (sotzialdemocràticu de
tzentru dereta) o coalitzione de manca cun comunistas, birdes (in pare
in sa micro-coalitzione Cdu) e Bloco de esquerda.
Su sèberu a
pustis de carchi arresonu: guvernu de manca. Bastu chi calicunu (Cdu e
Bloco) rinuntziaret a unos cantos puntos programmàticos. Nointamen custu
cumpromissu su presidente de sa repùblica lusitana, Aníbal Cavaco
Silva, at naradu chi “não!” dende s'incàrrigu a Passos Coelho.
Ddu
podiat fàghere, ca su partidu issoro (ambos de su Psd/Portugal a frente
sunt) est su chi at otènnidu sa pertzentuale prus arta de votos. Tando,
sa prospetiva est custa: unu guvernu de minoria cuns'ispera chi ddu
potzat sustènnere s'ala de dereta de is sotzialistas. Ala chi,
dd'ischimus, est in chirca de unu càmbiu de ghia polìtica pro su
partidu.
Ma Cavaco Silva, a dae chi is votos pro unu
guvernu de manca bi fiant, non si podiat nemmancu refudare de cunfèrrere
s'incàrrigu a Antonio Costa de su Psp. Petzi una resone ddoe at àpidu,
pro su presidente: «In 40 annos de democratzia, non ddoe at àpidu mai
unu guvernu dipendente dae fortzas polìticas antieuropeistas. A pustis
de is sacrifìtzios graes est dovere meu su de impedire s'imbiu de
signales frassos a is istitutziones finantziàrias, a is investidores e a
is mercados».
Cavaco Silva at faeddadu finamentas de «podèrios costitutzionales» comente a nàrrere chi totu est a norma. E issu sa costitutzione giai dda connoschet. Difatis imoe non s'at a pòdere torrare a votare pro more de su “semestre biancu” chi (comente in Itàlia) interessat sa figura sua.
Is sotzialistas sunt torra palas a muru: a sustènnere aunidos custu guvernu de minoria finas a su beranu chi benit tenende s'atinu de is cunsighèntzias eletorales; a refudare aunidos de ddu sustènnere nointamen chie ddos at a acusare de istransire is responsabilidades; a si partzire in Parlamentu aberende s'àidu a sa partzidura polìtica de su partidu.
Cavaco Silva at faeddadu finamentas de «podèrios costitutzionales» comente a nàrrere chi totu est a norma. E issu sa costitutzione giai dda connoschet. Difatis imoe non s'at a pòdere torrare a votare pro more de su “semestre biancu” chi (comente in Itàlia) interessat sa figura sua.
Is sotzialistas sunt torra palas a muru: a sustènnere aunidos custu guvernu de minoria finas a su beranu chi benit tenende s'atinu de is cunsighèntzias eletorales; a refudare aunidos de ddu sustènnere nointamen chie ddos at a acusare de istransire is responsabilidades; a si partzire in Parlamentu aberende s'àidu a sa partzidura polìtica de su partidu.
