de Màuru Piredda
S'arte de sa poesia a bolu nch'at
pèrdidu un'àteru grandu òmine. Màriu Masala, silanesu, si nch'est andadu
a s'edade de 80 annos. In Silanus, comente in àteras biddas de
Sardigna, non b'aiat bisòngiu de nch'artziare a su palcu, pro cantare. «Cando fia pitzocu – aiat naradu carchi annu a como –
in bidda cantaìamus in medas, b'aiat finamentas unu tzilleri in ue nos
aiant comporadu micròfonos e amplificatzione, pro cantare a de note.
Fìamus una deghina de pitzocos de trèighi e de batòrdighi annos. Nos
chircaiant a sos isposòngios, a sos tusòrgios e s'argiola».
E cussa fiat sa palestra sua, finas a cando no at fatu su brincu a sa prima gara sua ufitziale, sa de su 10 de austu de su 1951 pro sa festa de santu Laretu in pare a Ciciu Piga, Barore Sassu e Remundu Piras. Dae tando Marieddu, comente lu mutiant totus, at cantadu cun sos prus poetas mannos de Sardigna. Ma sos versos suos non los agatamus in sos libreddos ebbia. A Màsala l'ammentamus comente cumponente de su “trio” cun Bernardu Zizi de Oniai (chi ocannu at disinnadu de torrare a cantare a pustis de unu pasu pro motivos da salude) e Antoni Pazzola de Sennaru (chi nos nch'at lassadu in s'atòngiu de su 2013). In sas domos de sos amantiosos bi dêt àere prus de unu discu in vinile cun sas garas de cussa trìbide famada. Màsala si nch'est andadu 16 annos a pustis de sa partèntzia de s'àteru grandu poeta improvisadore silanesu, Frantziscu Mura. Adiosu Marie'!
 |
| Immagine leada dae Youtube |
E cussa fiat sa palestra sua, finas a cando no at fatu su brincu a sa prima gara sua ufitziale, sa de su 10 de austu de su 1951 pro sa festa de santu Laretu in pare a Ciciu Piga, Barore Sassu e Remundu Piras. Dae tando Marieddu, comente lu mutiant totus, at cantadu cun sos prus poetas mannos de Sardigna. Ma sos versos suos non los agatamus in sos libreddos ebbia. A Màsala l'ammentamus comente cumponente de su “trio” cun Bernardu Zizi de Oniai (chi ocannu at disinnadu de torrare a cantare a pustis de unu pasu pro motivos da salude) e Antoni Pazzola de Sennaru (chi nos nch'at lassadu in s'atòngiu de su 2013). In sas domos de sos amantiosos bi dêt àere prus de unu discu in vinile cun sas garas de cussa trìbide famada. Màsala si nch'est andadu 16 annos a pustis de sa partèntzia de s'àteru grandu poeta improvisadore silanesu, Frantziscu Mura. Adiosu Marie'!
