 |
| Wikimedia |
In su British Science Festival de Breadford ant annuntziadu un'iscoberta noa. Pedras mannas, imboligadas de mistèriu e cuadas in fundu de terra a pagu tretu dae unu de sos sitos archeològicos prus famados de su mundu, Stonehenge. Sunt una norantina e sas prus artas nche crompent a chimbe metros de artària.
Nche las ant agatadas a belle
unu metru de profundidade, corcadas, ma sos istùdios narant chi in
antis fiant postas reas in s'oru de una trema. No est galu craru pro ite
a pustis nche las apant rotuladas e las apant collocadas a formare
un'ispètzia de “C” cun unu diàmetru de unu chilòmetru e mesu.
Sa
chirca interessat sa contea de Wiltshire e faghet parte de su progetu
Hidden Landscapes, chi previdet s'impreu de unu geo-radar pro agatare
repertos fundu de terra. “Las tenìamus suta de su nasu pro 4000 annos e
non nos nde fìamus mai abigiados – narat Vince Gaffney, archeòlogu chi
cumandat su progetu – Non b'at nudda che pare in su mundu, semus
abarrados ispantados”.
A su chi narant sos istudiosos, su situ
diat podet èssere òpera de sas matessi manos chi ant fraigadu
Stonehenge, ma pro como custa est petzi un'ipòtesi.
