de Lisandru Beccu
 |
| Wikimedia |
In s'istadu meridionale de su
Kerala, nch'est collocadu s'iscalu de Cochin, in Ìndia, in ue cada annu,
bi colant prus de ses milliones de passigeris. No at a èssere su primu
aeroportu chi at a montare sos pannellos in sos aèreos, ma est su primu
chi at a funtzionare petzi cun energia solare.
B'at chertu 6 meses pro nch'aparitzare un'àrea de 18 ètaros cun pannellos foto-voltàicos e unu gastu de 10milliones de dòllaros; s'ispesa, in base a sos càrculos chi ant fatu, nche l'ant a recuperare in 5 annos.
S'impiantu
l'ant presentadu sa chida colada e, cun 46mìgia pannellos, at a
prodùere prus de 12Mw de currente (bastante pro 10mìgia domos), a manera
chi s'aeroportu potzat èssere autònomu. In prus, s'energia sobrada, at a
bènnere insertada in sa rete elètrica istatale.
S'initziativa
est cumbeniosa meda, fintzas ca a balangiare est s'ambiente. Difatis,
in 25 annos sas emissiones de anidride carbònica ant a minimare de
300mìgia tonnelladas, diat èssere comente a prantare tres milliones de
àrbores.
