de Lisandru Beccu
S'ùrtima amichevole de s'istiu est acabada cun una pèrdida pro su Casteddu chi, però, at cunfirmadu sas impressiones bonas de s'iscuadra. Màssimo Rastelli at fatu pasare sos chi ant giogadu domìniga contra a su Tràpani in Coppa Itàlia e at impreadu giogadores friscos. Duncas un'iscuadra rinnovada belle de su totus.
S'ùrtima amichevole de s'istiu est acabada cun una pèrdida pro su Casteddu chi, però, at cunfirmadu sas impressiones bonas de s'iscuadra. Màssimo Rastelli at fatu pasare sos chi ant giogadu domìniga contra a su Tràpani in Coppa Itàlia e at impreadu giogadores friscos. Duncas un'iscuadra rinnovada belle de su totus.
Sa partida si deviat giogare in su Hoheluft, ma su tempus malu non l'at permìtidu, a su puntu chi s'eventu nch'est istadu frantu a su campu de allenamentu a giannas serradas.
A su de 25 minutos su Casteddu marcat sa rete
cun Farias chi nde collit unu passàgiu modde de Barreca e cun
pretzisione nche la ponet in dae segus de su portieri.
Su primu tempus nch'acabbat cun su Casteddu chi cumandat pro una rete a zeru, ma in su segundu tempus sa mùsica càmbiat.
A
su de 53 minutos s'Amburgo parègiat cun Kacar,intradu dae pagu e a su
de 57 minutos colat a in antis cun Muller chi retzit su passàgiu dae
Olic e cun un'iscadriada nche la ghetat a intro.
Sos tedescos
sighint a fàghere su giogu, ma est su Casteddu a si acurtziare a su
parègiu gràtzias a unu bellu tiru de Barella chi ponet pensamentos a
Hirzer.
Colat pagu tempus e a su minutu 73 arribat sa de tres
marcaduras. S'autore est torra Kacar chi, cun sa conca, indiritzat sa
botza a intro de sa porta defensada dae Cragno. A pustis de duos minutos
Stieber serrat sos giogos in su 4-1 pro sos tedescos.
Formatziones:
Amburgo:
Drobny (46’ Hirzer), Ostrzolek (46’ Kacar), Spahic (46’ Reis), Jung
(70' Arslan), Sakai, Ekdal (70' Stieber), Diaz (70' Gonaida), Muller
(70' Rudnevs), Holtby, Lasoggia (46’ Schipplock), Olic (70' Marcos)
- In panchina: Diekmeier
- Allenadore: Labbadia.
Casteddu:
Cragno, Pisacane, Benedetti, Del Fabro, Barreca, Donsah (51'
Melchiorri), Fossati, Munari (70' Dessena), Barella (80’ Joao Pedro),
Farias, Giannetti
-In panchina: Colombo, Storari, Di Gennaro, Balzano, Capuano, Sau, Murru, Deiola
-Allenadore: Rastelli.
Marcaduras: 25' Farias, 53' Kacar, 57' Muller, 73’ Kacar, 75’ Stieber.
Lisandru Beccu
