de Màuru Piredda
Su comitadu faunìsticu, presididu dae s'assessore regionale de
s'Ambiente Donatella Spano, at aprovadu su calendàriu venatòriu. Is
primas essidas su 3 e su 6 de cabudanni pro is tùrturas, abertura
generale su 27 cun unas cantas variantes cunforma a su tipu de preda.
S'ipòtesi de abèrrere sa catza grussa a su sirbone peri su giòbia aiat
ingendradu, in is chidas coladas, sa contrariedade de unas cantas tropas
sardas. Su comitadu at tentu in cunsideru custas problemàticas, paris
cun is chistiones ligadas a sa peste porchina, e at disinnadu a nde
torrare a chistionare in su mese de cabudanni, a pustis de
un'aprofundimentu intre s'Unidade de progetu e is assessorados
cumpetentes (Sanidade, Agricultura e Ambiente).
