Sos ruju-biaitos de Rastelli saludant su torneu Maspalomas cun su segundu postu. A Storari, imbetzes, l'est tocadu su prèmiu comente mègius portieri.
Ambas sas iscuadras giogant bene e resurtant perigulosas. Su Casteddu cun Di Gennaro e Sau e su Las Palmas cun Momo e Livaja. A nche colare in vantàgiu, però, sunt sos grogos de sa comunidade autònoma. Michel nch'intrat a s'àrea e nche marcat s'1-0.
In su segundu tempus su giogu abarrat pagu prus o mancu in echilìbriu e sos càmbios contribuint a truncare su possessu de sa botza e a menguare su ritmu. In prus, a su de 75 minutos, su Casteddu devet renuntziare a Murru, espulsu dae s'àrbitru pro un'intrada perigulosa. Non càpitat àteru, su Las Palmas binchet su trofeu pro sa segunda borta.
Formatziones
Casteddu: Rafael, Pisacane, Salamon (65’ Bruno Alves), Ceppitelli (46’ Krajnc), Capuano (46’ Murru); Padoin (46’ Munari), Di Gennaro (55’ Tetteh), Ionita (65’ Barella); Deiola (78’ Vasco Oliveira), Pajac (65’ Arras, 81’ Pennington), Sau (55’ Piras).
Allenadore: Massimo Rastelli
Las Palmas: Varas, Michel (71' Michel), Garcia (71' Aythami), Bigas (70' Ramirez), Castellano (70' Arencibia), Gomez (70' David Simon), Boateng (42' Tyronne) (70' Montoro), Momo (70' Carlos), Besa, Viera (70' El Zhar), Livaja (79' Borja).
Allenadore: Quique Setien
Gol: 38’ Michel
Espulsos: 75’ Murru
